Ođđasat

                  

Čállingilvu gaskadássái

Sámi lohkanguovddáš lágida čállingilvvu gaskadássái, namalassii ohppiide 5. luohkás gitta 7. luohkkái. Buot oassálastiid gaskkas vuorbádit ovtta lohkanfiellu ja girjevuoittuid!

Njuolggadusat:

Čále sámegillii čállosa mas leat unnimusat 10 linjá. Dahje čále divtta mas unnimusat leat 20 sáni.

Áigemearri searvat lea juovlamánu 20.beaivvi. 2014

Vállje fáttá:

  1. Gállolámpá játtai. Huff, visot čáhpodii. Geahčan nástealbmái dassážii go čalmmit hárjánit seavdnjadassii. Ruoktot lea vel guhkki. Iiiaaaah...! Mii árpmuid die gullui?

 Joatkke dán muitalusa dahje čále skápma birra muitalusa, fearána, divtta dahje áššečállosa.

  1. Noaidi lea boahtán du lusa ja lohká ahte don beasat dál deaivat dan olbmo gean háliidat, vaikko gean. Čále geainna áiggut deaivvadit, gos ja maid áiggut ságastit suinna.

 

  1. Čále friddja maid ieš háliidat.

 

Merke čállosa namain ja čujuhusain. Čále suovat go almmuhit čállosa. Sádde dasto čállosa e-poasta čujuhussii: lohkanguovddas@samiskhs.no, dahje boastta mielde Sámi lohkanguovddáš, Hánnoluohkká 45, 9520 Guovdageaidnu.

Jus leat gažaldagat gilvvu birra, de sáhttibehtet čállit e-poasta: lohkanguovddas@samiskhs.no, dahje riŋget Sámi lohkanguovddážii telefovdnanummárii 78 44 84 26.

 

 

 

                                        

Eurohpálaš giellabeaivi lea čakčamánu 26. beaivvi. Sámi lohkanguovddáš ávvuda beaivvi giellagilvvuin: Giellagilvu

26.9 dellie Europan gïelebiejjie. Saemien Lohkemejarnge biejjiem aavode gïelegyhtjelassigujmie: Gïelegyhtjelassh

26.9. la europalasj giellabiejvve. Sáme låhkåmguovdásj ávvut dáv biejvev gatjálvisgilppusijn: Giellagatjálvisá

 

Eurohpálaš giellabeaivi lea ásahuvvon ávvudan dihte Eurohpá gielaid. Eurohparáđđi dat mearridii 11 jagi áigi álggahit eurohpalaš giellabeaivvi. Giellabeaivvi mihttomearit leat

  • fuomášuhttit almmolašvuhtii man dehálaš giellaoahppan lea ja oahpahišgoahtit eanet gielaid vai lassána ipmárdus máŋggagielalašvuhtii ja máŋggakultuvrralašvuhtii.
  • Ovddidit gielalaš ja kultuvrralašmáŋggabealatvuođa Eurohpás
  • movttiidahttit oahppat giela olles eallenagi sihke skuvllas ja olggobealde skuvlla.

Loga eanet: Eurohpáráđi siidduin: http://www.coe.int/t/dg4/linguistic/jel_EN.asp?