Registreren

Registrere iežat čakčalohkanbajis ovdal 1. beaivvi čakčamánus ja giđđalohkanbajis ovdal 15. beaivvi guovvamánus

Studentwebas sáhtát iežat dieđihit oahpahussii ja eksámenii buot oahppoovttadagain maid čađahat čuovvovaš lohkanbajis. Dán dagat go leat máksán lohkanbadjedivada ja go dárkkistat ahte buot oahput/oahppoovttadagat leat du progrešuvdna-/oahpahusplánas (utdanningsplan).

Go dohkkehat progrešuvdna-/oahpahusplána (utdanningsplan), de automáhtalaččat dieđihuvvot oahpahussii ja eksámenii. Dárkkis ahte du progrešuvdna-/oahpahusplána ii leat guoros! Muitte maid dárkkistit ahte ruovttučujuhus ja čujuhus oahppobáikkis lea riekta.

Jus leat ođđa studeanta, de fertet vuordit dassá lohkanbadjedivada máksingiro boahtá boasttas ovdal sáhtát registreret.

Studentwebii beasat iežat studeantanummariin (feide-geavaheaddjinamma) ja čiegussániin maid ožžot go ráhkadit IT-konto.
 

Ovdal registrerejuvvot, fertet guokte lávkki lávket:

1
Mávsse lohkanbadjedivada

Ođđa studeanttaide sáddejuvvo giro. Máksindieđuid gávnnat maid studentwebas.

2
Logge sisa studentwebai

Mana progrešuvdna-/oahpahusplána nuppi oassái (utdanningsplan del 2) ja dárkkis ahte buot oahput/oahppoovttadagat maid čađahat dán lohkanbajis leat mielde. Jus eai leat, lasit oahppoovttadagaid.

Dohkket progrešuvdna-/oahpahusplána. Dárkkis ahte leat dieđihuvvon oahpahussii ja eksámenii. Muitte maid dárkkistit čujuhusaid.

Loatnakássii manná automáhtalaččat diehtu go leat registrerejuvvon.

Go dáid lávkkiid leat lávkon, de sáhtát diŋgot studeantakoartta (go vuosttaš geardde leat studeanta Sámi allaskuvllas) dahje mearkka mii duođašta ahte leat máksán lohkanbadjedivada.