Eksámenis geassádeapmi

Eksámenis geassádeapmi
Áigemearri geassádit eksámenis lea 10 beaivvi ovdal eksámena. Ávžžuhit buohkaid geassádit eksámenis studentweba bokte. Jus dus ii leat vejolašvuohta geassádit studentweba bokte, de geavat skovi maid gávnnat PDF icon SKOVVI Geassadit eksamenis.pdf. Sáhtát buktit dan oahppohálddahussii dahje sáddet poasta mielde, dahje sáddet e-poasttain PDF hámis čujuhussii: studieadm@samiskhs.no.
 

Kandidáhtta gii geassáda eksámenis dohkálaš siva haga ii sáhte gáibidit ođđa eksámena čađahit ovdal go nuppes lágiduvvo ordineara eksámen fágas. Son gii dohkálaš siva haga geassáda eksámenis unnit go 10 beaivvi ovdal eksámena, dahje eksámenlanjas, dahje oažžu árvosáni “ii ceavzán” eksámenis, lohkko ahte kandidáhtta lea geavahan ovtta vejolašvuođa dan golmma eksámenvejolašvuođas mat sus leat. Dohkálaš sivva mii addá vuoigatvuođa čađahit maŋiduvvon eksámena lea buozalmasvuohta dahje earenoamáš dilálašvuođa ja galget leat duođaštuvvon.