Bilde av SA stand på utdanningsmessa med personer i bild.
guovvamánu 09. beaivi 2017

– Leatgo dis oahpaheaddjit midjiide?

Sámis lea stuora dárbu Sámi oahpaheddjiide.

Sámi allaskuvla lea odne ja ihttin Romssa oahppomeassus. Doppe jearahii okta vuođđuskuvlaoahpaheaddji leago Sámi allaskuvllas oahpaheaddji sidjiide.

– Mun sihten su fállat barggu min dálá oahpaheaddjestudeanttaide, muitala Mikkel Ole Eira, Sámi allaskuvlla rekruterenkonsuleanta.

Álgge oahpaheaddjin čakčii

Bilde av Ellen Marianne Siri og Mikkel Ole Eira

Dábáleamos gažaldat

– Sáhttágo vaikko gii oahppat sámegiela? Mikkel Ole Eira muitala ahte dát gažaldat sáhttá leat dat dábáleamos maid beassá gullat dákkár oahppomeassus. Mikkel Ole Eira ja Ellen Marianne Siri leaba Tromsøhallenis vuovdaleamen Sámi allaskuvlla oahppofálaldagaid.

Soai láveba vástidit ahte ii dárbbaš leat sápmelaš Sámi allaskuvlla studeantan šaddat. Muhto eanasoassi oahppofálaldagain leat sámegillii. Datge ii dárbbaš hehttehussan leat, go Sámi allaskuvla fállá oahpuid maiddái eará gielaide.

Sámi allaskuvla fállá sámegieloahpu easkaálgidásis gitta doavttirgráda dássái.

Bilde av Ellen Marianne Siri på utdanningsmesse
Šatta don maid studeantan Sámi allaskuvllas!
Geahča min oahppofálaldagaid.