juli 10. beaivi 2017

Sámi báikenamat oahput

Sámi allaskuvla fállá oahppojagi 2017–2018 30 oč bachelordási oahpuid báikenammafágas. Dát gullet sámegiela ja sámi girjjálašvuođa doarjjafágaid fálaldagaide, muhto oahpu sáhttá ohcat heivehuvvot maiddái eará prográmmaide.

Gurssat leat dát:

10 oč Láidehus sámi báikenammadutkamii ohcanáigemearri: 10.08.17

10 oč Sámi báikenamat oahpponeavvun ohcanáigemearri: 10.08.17

10 oč Giellamateriálaid čoagginmetodihkka ja čoagginbarggut

 

Láidehus sámi báikenammadutkamii -gursa dollo čakčat ja dat álgá 18.9.

Sámi báikenamat oahpponeavvun -gursa álgá golggotmánu gaskamuttus (dárkilis áigi almmuhuvvo maŋŋeleappos).  Oahpponeavvugurssas manná 5 oč čakčat ja 5 oč giđđalohkanbájis 2018.

Giellamateriála čoagginmetodihkka -gursa dollojuvvo giđđalohkanbájis 2018.