Movt ohcat Sámi allaskuvlla oahpuide

Reaiddut ohcat oahpuide leat dábálaččat:  

  1. Oktasaš sisaváldin / Samordna opptak 
  2. Báikkalaš ohcánvuogádat / Søknadsweb.

 

1) Oktasaš sisaváldin / Samordna opptak
Bachelorprográmmaide ja oahpaheaddjioahpuide galgá ohcat oktasaš sisaváldima bokte. Sin ruovttusiiddus leat dieđut ja ohcanrávvagat dárogillii ja sámegilli. Doppe lea maid muhtun oppalaš dieđut eaŋgalasgilli.

Fuomaš

  • Ohccit geain lea Norgga persovdnanummar fertejit registreret iežaset elektrovnnalaš ID:ain. Dán dihte lea dehálaš háhkat alccesis dákkár ID buori áiggis ovdal ohcanáigemeari.
  • Ohccit geain ii leat Norgga persovdnanummar čuvvot sierra láidehusa.

 

2) Báikkálaš sisaváldin / Søknadsweb
Eanaš oahpuide Sámi allaskuvllas galgá ohcat Báikkálaš sisaváldima / SøknadsWeb bokte.  Vállje giela - darogillii dahje eangalasgillii - sierra ruvttus olgešbeale álgosiiddus.

Muhtun ravvagat:

  • Jus geavahat SøknadsWeba vuosttáš háve, de válljet giela ja registreret iežat geavaheaddjin.
  • Jus it leat Norggabeale ohcci, vállje giela ja vállje registrerema ohcciide geain ii leat Norgga persovdnanummár. Dasto deavdde dieđuid mat gáibiduvvojit ovdalgo beasat ohcat oahpuide.
  • Jus leat ovdal ohcan Søknadsweba bokte, de fuomášuhttit ahte it galgga ođđasit registrerehit iežat, muhto logget sisa. Jus it muitte koda maid siiddus sihtá maŋŋel go rehkebihtá leat rehkenasten, de lea doppe boallu mainna oaččut koda sáddejuvvot iežat e-postii.

Fuomaš: SøknadsWebii galggat elektrovnnalaččat bidjat sisa mielddusin duođaštuvvon máŋgosiid oahppoduođaštusain, bargoduođaštusain jna. Vaikko dus lea alit oahppu, de mii bivdit maiddái bidjat joatkkaskuvlla duođaštusaid mielddusin ohcamii.

 

Eanet ohcanrávvagiid sáhtát oažžut Sámi allaskuvlla oahppo- ja dutkanhálddahusas.