Joatkkaoahput oahpaheddjiide

Matematihkka 2 joatkkaoahppun 5.-10. ceahki vuođđoskuvlaoahpaheddjiide

  • Oahpahusgiella: Sámegiella, dárogiella dahje ruoŧagiella.
  • Oahpahusbáiki: Sámi allaskuvllas ja vejolaččat oassi neahta bokte
  • 30 oahppočuoggá
  • Fágaplána 

Matematihkka 2 lea oahppofálaldat oahpaheddjiide geain lea jo Matematihkka 1 dahje matematihkka oassin dábálašoahpaheaddjeoahpaheaddjeoahpus ja háliidit hukset iežaset gelbbolašvuođa. Oahpahusgiella lea sámegiella, dárogiella dahje ruoŧagiella.

Sisdoallu:

Dát oahppu lea guovtti modulas, ja goappašiin lea matematihkka ja didaktihkka. Goappaš modulain lea oppalaš geahčasteapmi matematihka oahpahussii ja oahppamii árbevirolaš máhtu ja eamiálbmotkultuvrraid vuođul. Vuosttaš modula lea mihtidemiid, loguid ja algebra birra. Movt oahppit jurddašit go mihtidit, lohket, sorterejit, ja movt barget fáttáiguin dego álgologut (primtall) ja kombinatorihkka. Nubbi modula gieđahallá iešguđetlágán perspektiivvaid etnomatematihkkii ja matemáhtalaš duođaštusaid (matematiske bevis) iešguđetlágán kultuvrrain. Modula fokusere dasa movt oahppit jurddašit go barget lokaliseremiin, ja movt barget fáttáiguin dege geometriija ja funkšuvdna. Goappaš modulain deattuhuvvojit guorahalli bargovuogit, kreativitehta ja váttisvuođaid čoavdin. Buot fáttát čadnojit skuvlaceahki oahpahussii. 

Oahpus leat golbma čoagganeami goappaš lohkanbajis. Čoagganeamit mannet golmma beaivvi badjel.

Entrance requirements

Čađahuvvon oahpaheaddjeoahppu mii addá gelbbolašvuođa oahpahit 5.-10. ceahkis. Čađahuvvon Matematihkka 1 dahje vástideaddji 30 oahppočuoggá matematihkas.