BA - Single course

BOA 103 Eatnamiid ja guođoheami máhttu

  • Oahpahusgiella: Sámegiella ja vejolaččat skandinávalaš giella dahje eŋgelasgiella.
  • Oahpahusbáiki: Sámi allaskuvllas.
  • 10 oahppočuoggá.
  • Oahppoovttadat lea oassin Boazodoallooahpuid bacheloras.
  • Oahppoplána
  • Fiila Lohkanbadjeplána

Oahpu áigumuš lea guorahallat bohcco guohtumuša, guohtuma ja guođoheami sihke boazosámi máhttovuođu ja iešguđet fágasurggiid lahkonanvuogi bokte.

Oahpus don oahpat dovdat bohcco váldo guohtunšattuid, ja máhttit árvvoštallat ja čilget guohtundilálašvuođaid ja dás maiddái muohtadiliid sihke boazosámi iežaset ipmárdusa ja luonddudiehtagiid dieđuid vuođul. Oahpus guorahallojuvvo movt guohtundilit sáhttet váikkuhit bohccui ja ellui. Don oahpat iešguđetládje árvvoštallat movt guohtumuš váikkuha produktivitehtii ja bohcco buorrevuhtii árbevirolaš ja biologalaš árvvoštallama ja vugiid vuođul.

Dát oahppu heive bures olbmuide geain lea juogo boazodoalloduogáš dahje boazodoalu vuođđooahppu ja earáide geat barget boazodoalloáššiiguin.

Entrance requirements

  • Oppalaš lohkangelbbolašvuohta dahje reálagelbbolašvuohta ja sámegielmáhttu.
  • Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje guhkes amasgielladutkkus ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

Koordinator

helenao's picture
Omma, Maria Helena
E-mail: 
Maria-Helena.Omma@samiskhs.no