Bilde av samiske veivisere 2016-2017
June 28. beaivi 2017

Miljovdnabealli ofelaččaid neahttasiidohuksemii

Stuorra dárbu dieđihit sámiid birra

Ofelašdoaibma Sámi allaskuvllas oažžu liigejuolludeami dán jagi Gieldda- ja ođasmahttindepartemeanttas hábmet ođđa neahttasiiddu. 500.000 ruvnnu neahttasiidui mii galgá heivehuvvot nuoraide ja das galget leat dieđut sámi kultuvrras, historjjás ja servvodagas. Ofelašdoaibma lea dán jagi sádden prošeakta ohcamuša man ulbmilin lea ásahit ođđa neahttasiiddu mii galgá geavahuvvot ofelaččaid skuvllagalledemiin. Ofelaččat ožžot dávjá skuvllaid galledettiin ollu gažaldagaid ja skuvllat ohcalit dieđuid sámi áššiid birra.

– Mii leat vásihan ahte lea stuora dárbu dieđuid gaskkustit Sámi servodaga birra ja iežamet historjjá ja mo lea leat nuorra sápmelažžan odne. Dan barggu dahket ge min čeahpes ofelaččat hui bures. Ja ođđa neahttasiidduin jáhkán min olahit vel viidát ja sihkkarastit buoret dieđu Sámi áššiid birra mii lea heivehuvvon nuoraide, dadjá Sámi allaskuvlla rektor Gunvor Guttorm.