Publications

Sámi dieđalaš áigečála
Sámi dieđalaš áigečála lea dieđalaš áigečála, man Sámi allaskuvla ja UiT Norgga árktalaš universitehta Sámi dutkamiid guovddaš almmuhit ovttasbarggus. Sámi dieđalaš áigečála lea almmustuvvan bábirhámis jagi 1994 rájes, ja jagi 2013 rájes dat lea maiddái elektrovnnalaš áigečála, mii lea nuvttá ja rabas buohkaide. Vuosttaš ollislaš elektrovnnalaš nummarat leat jagiin 2010–2013, ja boahtteáiggis dáppe almmustahttojit sihke ovddit ja buot boahttevaš nummarat.

Dáppe gávnnat Sámi dieđalaš áigečállagiid neahtas.


Dieđut 

Dieđut lea máŋggadieđalaš čála-ráidu, man Davviriikkaid Sámi Instituhtta lea almmustahttán 1974 rájes. Čálaráidu gaskkusta sámedutkama bohtosiid. Davviriikkaid Sámi Instituhtta lea ovttastuvvan Sámi allaskuvllain, muhto Dieđutráidu almmuhuvvo nu go ovdal. Dieđut-ráiddus almmuhuvvojit sihke artihkkalčoakkáldagat ja sierranas dutkamušat servodat-,  gielladutkamis ja láhkadiehtagis. Almmuheamit leat sáme-, dáro-, ruoŧa-, suoma-, eŋgelas- ja ruoššagillii.

Dieđut-girjjiid sáhttá oastit Lindbak Finnmark AS, Guovdageainnus, dahje maillas: Iselin Skum (iselin.skum@lindbak.no).

Ollislaš listtu Dieđut-girjjiid badjel oainnán dán liŋkka bokte.  

Dáppe gávnnat Dieđut girjjiid neahtas.

 

Raporttat ja čielggadeamit

Sámi allaskuvla ráhkada maiddái raporttaid ja čielggademiid. Raporttat čállojuvvojit dábálaččat muhtun konferánssa dehe seminára oktavuođas, muhto raporta sáhttá maid čállot muhtun prošeavtta olis, nu go min statistihkkaraporttat Sámi logut muitalit 1, 2 ja 3. Čielggadeamit fas leat diŋgojuvvon barggut mat čállojit eará ásahusaid várás Stáhtas.

SA-oahpahusčálus
Min ráidu oahpahusčállosiid várás gohččoduvvo SA-oahpahusčálus. Das almmuhuvvojit min oahpaheddjiid oahpahangihppagiid, mat allaskuvlla oahpahusas geavahuvvojit. Dáid almmuhemiid lassin almmuhuvvo eará čállosat, mat eai boađe makkárge ráiddus, nu go ovdamearkka dihte Sámi allaskuvlla 20 jagi ávvugirji "Sámi oahpahus - Sámi dutkan - Sámi ásahus" mii bođii 2009. Allaskuvla buvttada maiddái publiseremiid ovttas eará ásahusaiguin.

Loga neahtas min publiseremiid
Sámi allaskuvlla Bibsys Brage siiddus lea vejoalaš lohkat min maŋemus publiseremiid PDF hámis.

Sámi allaskuvlla 20 jagi ávvugirji

Jan Henry Keskitalo, Kristine Nystad ja Torunn Pettersen (doaim.)
Sámi allaskuvlla 20 jagi ávvugirjji sáhtát viežžat Sámi allaskuvllas
dahje oastit Lindbak Finnmark Avdeling Kautokeino as:s
telefuvdna: (+47) 992 18 670,
e-boasta: iselin.skum@lindbak.no

Loga girjji PDF hámis dehe geahčá dás vuollelis:

 
Dán fiillas oainnát buot Dieđut-girjjiid mat leat almmuhuvvon álggu rájes ja daid hattiid. Eanaš girjjiid sáhttá diŋgot Finnmark kontorservice bokte. Sádde diŋgojumi deike: Ranveig Holmen (ranveig.holmen@fks.as) ja Odd Mikael Hætta (odd.m.haetta@fks.as).
Filesize: 297 KB